28 C
Phnom Penh

AUTHOR NAME

ឌឹ ខេមបូឌា ដេលី

1582 POSTS
0 COMMENTS

អ្នក​វិភាគ៖ ការ​បដិសេធ​សុពលភាព​នៃ​កិច្ចព្រមព្រៀង​ទីក្រុង​ប៉ារីស​គឺ​មិន​ខុស​ពី​កាប់​បំផ្លាញ​កំផែង​ឫស្សី​ការពារ​បន្ទាយលង្វែក

ក្រុម​អ្នក​ឃ្លាំមើល​សង្គម​អះអាង​ថា ការ​បដិសេធ​សុពលភាព​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ថ្ងៃ​ទី​២៣ ខែ​តុលា ឆ្នាំ​១៩៩១ គឺ​មិន​ខុស​ពី​កាប់​បំផ្លាញ​កំផែង​ឫស្សី​ការពារ​បន្ទាយលង្វែក កាលពី​អតីតកាល​នោះ​ដែរ ប៉ុន្តែ​រដ្ឋាភិបាល​កម្ពុជា​នៅតែ​អះអាង​ថា កិច្ចព្រមព្រៀង​នេះ​លែង​មាន​សុពលភាព​លើ​កម្ពុជា​បន្ត​ទៀត​ហើយ។ អ្នកវិភាគ​នយោបាយ​និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​១៨ តុលា នេះ​ថា សន្ធិសញ្ញា​ដែល​បាន​ធានា​ដោយ​អន្តរជាតិ​ទាំង ១៩​ប្រទេស​លើ​ពិភពលោក​នៅតែ​មាន​សុពលភាព​សម្រាប់​កម្ពុជា​ដល់​សព្វថ្ងៃ​នេះ ដូច្នេះ​ការ​បដិសេធ​ចំពោះ​ច្បាប់​អន្តរជាតិ​មួយ​នេះ​របស់​កម្ពុជា គឺ​មាន​ន័យ​ថា ជា​ការ​បដិសេធ​ទៅ​នឹង​ប្រទេស​ហត្ថលេខី​ទាំងអស់​ដែល​បាន​សន្យា​គោរព​អធិបតេយ្យភាព ឯករាជភាព បូរណភាព...

ភាគ​២៖ ដំណើរការ​នៃ​ការ​បង្កើត​កិច្ចព្រមព្រៀង​ទីក្រុង​ប៉ារីស

តើ​ការ​ចរចា​មុន​នឹង​ឈាន​ដល់​កិច្ចព្រមព្រៀង​ទីក្រុង​ប៉ារីស មាន​ឧបសគ្គ​អ្វី​ខ្លះ? ហើយ​តើ​មាន​ភាគី​ណា​ខ្លះ​ចូលរួម​ក្នុង​ការ​ចរចា​នោះ? សូម​លោក​អ្នកនាង​ទស្សនា​នូវ​កិច្ចសម្ភាសន៍​ពិសេស​រវាង​លោក តាំង សារ៉ាដា និង​លោក ជុំ ឈាង ជា​អតីត​នាយ​ទាហាន​ជាន់ខ្ពស់​នៃ​ភាគី​រណសិរ្ស​ជាតិ​រំដោះ​ប្រជាពលរដ្ឋ​ខ្មែរ (រ.ជ.រ.ប.ខ.) របស់​សម្ដេច​បវរ​សេដ្ឋា សឺន សាន និង​ជា​សមាជិក​ក្រុម​ការងារ​នៃ​ភាគី​សម្ដេច​បវរ​សេដ្ឋា សឺន សាន ក្នុង​ការ​ចរចា​ស្វែងរក​ដំណោះស្រាយ​លើ​បញ្ហា​កម្ពុជា។

ភាគ​១៖ ដំណើរការ​នៃ​ការ​បង្កើត​កិច្ចព្រមព្រៀង​ទីក្រុង​ប៉ារីស

តើ​ច្បាប់​ណា​ដែល​ធំ​ជាង​កិច្ចព្រមព្រៀង​ទីក្រុង​ប៉ារីស? តើ​នរណា​ជា​អ្នក​បង្កើត​កិច្ចព្រមព្រៀង​ទីក្រុង​ប៉ារីស? តើ​មាន​ឧបសគ្គ និង​ជោគជ័យ​អ្វី​ខ្លះ​នៅ​ក្នុង​ការ​បង្កើត​កិច្ចព្រមព្រៀង​ទីក្រុង​ប៉ារីស? សូម​លោក​អ្នកនាង​ទស្សនា​នូវ​កិច្ចសម្ភាសន៍​ពិសេស​រវាង​លោក តាំង សារ៉ាដា និង​លោក ជុំ ឈាង ជា​អតីត​នាយ​ទាហាន​ជាន់ខ្ពស់​នៃ​ភាគី​រណសិរ្ស​ជាតិ​រំដោះ​ប្រជាពលរដ្ឋ​ខ្មែរ (រ.ជ.រ.ប.ខ.) របស់​សម្ដេច​បវរ​សេដ្ឋា សឺន សាន និង​ជា​សមាជិក​ក្រុម​ការងារ​នៃ​ភាគី​សម្ដេច​បវរ​សេដ្ឋា សឺន សាន ក្នុង​ការ​ចរចា​ស្វែងរក​ដំណោះស្រាយ​លើ​បញ្ហា​កម្ពុជា។

ទូត​ខ្មែរ​នៅ​អាមេរិក​អះអាង​ថា​អន្តរជាតិ​គ្មាន​កាតព្វកិច្ច​លើ​កិច្ចព្រមព្រៀង​សន្តិភាព​ទីក្រុង​ប៉ារីស​ទៀត​ទេ

ស្ថានទូត​កម្ពុជា​ប្រចាំ​សហរដ្ឋ​អាមេរិក បាន​អះអាង​ថា កិច្ចព្រមព្រៀង​សន្តិភាព​ទីក្រុង​ប៉ារីស មិន​ដែល​បាន​ចែង​ថា កម្ពុជា​បន្ទាប់ពី​បេសកកម្ម​របស់​អង្គការ​សហប្រជាជាតិ​បាន​បញ្ចប់ នឹង​នៅតែ​ស្ថិត​ក្រោម​ការ​ត្រួតពិនិត្យ​របស់​អន្តរជាតិ​នោះ​ឡើយ ខណៈ​ក្រុម​អ្នកវិភាគ​រិះគន់​ថា ការ​អះអាង​បែប​នេះ គឺជា​ការ​បំភ្លៃ​ខ្លឹមសារ​កិច្ចព្រមព្រៀង​នេះ​ដើម្បី​បំផ្លាញ​ជាតិ​ខ្មែរ​របស់​ខ្លួន​តែប៉ុណ្ណោះ។ ឯកអគ្គរាជទូត​វិសាមញ្ញ​របស់​កម្ពុជា លោក ជុំ សុន្ទរី បាន​អះអាង​ក្នុង​ព្រឹត្តិការណ៍​ខួប​លើក​ទី​៣០ នៃ​កិច្ចព្រមព្រៀង​សន្តិភាព​ទីក្រុង​ប៉ារីស កាលពី​ថ្ងៃ​ទី​១៤ ខែ​តុលា ឆ្នាំ​២០២១ នេះ ដោយ​ឆ្លើយតប​ទៅ​នឹង​សំណួរ​ដែល​បាន​លើកឡើង​ស្ដីពី​កាតព្វកិច្ច​បច្ចុប្បន្ន​របស់​ម្ចាស់​ហត្ថលេខី​ក្នុង​កិច្ចព្រមព្រៀង​សន្តិភាព​ទីក្រុង​ប៉ារីស ថា ពួកគេ​គ្មាន​កាតព្វកិច្ច​បច្ចុប្បន្ន​បន្ថែម​ទៀត​ក្រោម​កិច្ចព្រមព្រៀង​សន្តិភាព​ទីក្រុង​ប៉ារីស​នេះ​បន្ត​ទៀត​នោះ​ទេ។ ប្រភព​ដដែល​អះអាង​ថា កិច្ចព្រមព្រៀង​សន្តិភាព​ទីក្រុង​ប៉ារីស ស្ដីពី​អធិបតេយ្យភាព ឯករាជ្យ...

ប្រមុខ​រដ្ឋាភិបាល​កម្ពុជា​បង្ហាញ​ពី​ការ​គោរព​ព្រះ​វិញ្ញាណក្ខន្ធ​ព្រះបរមរតនកោដ្ឋ

លោក​នាយករដ្ឋមន្ត្រី ហ៊ុន សែន បាន​បង្ហាញ​ពី​ការ​គោរព​ដល់​វិញ្ញាណក្ខន្ធ​ព្រះបរមរតនកោដ្ឋ ព្រះបាទ​នរោត្តម សីហនុ ក្នុង​ពិធី​រំឭក​ខួប ៩​ឆ្នាំ​នៃ​ការ​យាង​សោយ​ទិវង្គត​ព្រះបរមរតនកោដ្ឋ​សម្ដេច​ព្រះ​នរោត្ដម សីហនុ នៅ​ថ្ងៃ​ទី​១៥ ខែ​តុលា ឆ្នាំ​២០២១ និង​សូម​ឱ្យ​ព្រះអង្គ​យាង​បដិសន្ធិ​ក្នុង​ព្រះ​បរម​សុគតិភព។ ទោះ​ជា​លោក ហ៊ុន សែន បាន​សម្ដែង​ការ​គោរព​បែប​នេះ​ក្តី ប៉ុន្តែ​អតីត​ព្រះមហាក្សត្រ​ខ្មែរ​អង្គ​នេះ​ក៏​ធ្លាប់​រង​ការ​គំរាមកំហែង​ពី​មេដឹកនាំ​ដែល​រដ្ឋាភិបាល​វៀតណាម​លើក​បន្តុប​រូប​នេះ​ដែរ។ ប្រមុខ​រដ្ឋាភិបាល​កម្ពុជា បាន​សរសេរ​លើ​ទំព័រ Facebook របស់​ខ្លួន​នៅ​ថ្ងៃ​នេះ​ថា ប្រជារាស្ត្រ​ទូទាំង​ប្រទេស ព្រមទាំង​មន្ត្រី​រាជការ កងកម្លាំង​ប្រដាប់​អាវុធ​គ្រប់​ជាន់​ថ្នាក់ បាន​នាំគ្នា​សម្ដែង​នូវ​ការ​គោរព​ដឹង​គុណ​ដ៏​ខ្ពង់ខ្ពស់​បំផុត​ចំពោះ​ព្រះបរមរតនកោដ្ឋ...

សកម្មជន​ដីធ្លី​ម្នាក់​ត្រូវ​បាន​តុលាការ​ដោះលែង​វិញ​បន្ទាប់ពី​អនុវត្ត​ទោស​ចប់​នៅ​ខេត្ត​ត្បូងឃ្មុំ

សកម្មជន​ដីធ្លី​ម្នាក់​នៅ​ស្រុក​តំបែរ ខេត្ត​ត្បូងឃ្មុំ ត្រូវ​បាន​សាលាដំបូង​ខេត្ត​នេះ​ដោះលែង​ឱ្យ​មាន​សេរីភាព​វិញ បន្ទាប់ពី​សកម្មជន​ដីធ្លី​រូប​នេះ​បាន​អនុវត្ត​ទោស​រយៈពេល ២​ឆ្នាំ​តាម​ការ​កំណត់​របស់​តុលាការ។ ប្រធាន​សហគមន៍​ស្រែប្រាំង ភូមិ​ស្រែប្រាំង ឃុំ​ត្រពាំងព្រីង ស្រុក​តំបែរ លោក សែម សាង ត្រូវ​បាន​ចាប់​ខ្លួន​កាលពី​ថ្ងៃ​ទី​១៧ ខែ​តុលា ឆ្នាំ​២០១៩ ក្រោយ​មក​សាលាដំបូង​ខេត្ត​នេះ​បាន​សម្រេច​ផ្ដន្ទាទោស​លោក​ដាក់​ពន្ធនាគារ ២​ឆ្នាំ ក្រោម​បទ​ចោទ «កំហែង​យក​ដោយ​មាន​ស្ថាន​ទម្ងន់​ទោស​ដោយ​ប្រើប្រាស់​អាវុធ»។ ការ​ចោទប្រកាន់ និង​ឃុំ​ខ្លួន​លោក សែម សាង ក្រោយ​ពី​លោក​សកម្ម​ដឹកនាំ​ប្រជាពលរដ្ឋ​នៅ​សហគមន៍​ស្រែប្រាំង តវ៉ា​រឿង​ជម្លោះ​ដីធ្លី​ជាមួយ​ក្រុមហ៊ុន​មួយ​របស់​ចិន និង​ជាមួយ​ឧកញ៉ា​ម្នាក់​ស្ថិតនៅ​ភូមិ​ស្រែប្រាំង...

រយៈពេល ៩​ខែ​ក្នុង​ឆ្នាំ​នេះ កម្ពុជា​ប្រមូល​ពន្ធ​បាន​ជាង ៣៨០០​លាន​ដុល្លារ

អគ្គនាយកដ្ឋាន​ពន្ធដារ​កម្ពុជា ឱ្យ​ដឹង​ថា ក្នុង​រយៈពេល ៩​ខែ​ក្នុង​ឆ្នាំ​២០២១ នេះ ប្រទេស​កម្ពុជា​ប្រមូល​ចំណូល​បាន​ពី​ពន្ធដារ និង​ពន្ធគយ​ជាង ៣៨០០​លាន​ដុល្លារ បើ​ប្រៀបធៀប​នឹង​ឆ្នាំ​២០២០ ចំណូល​នេះ​បាន​ធ្លាក់​ចុះ​រង្វង់ ៦​ភាគរយ។ ក្នុង​របាយការណ៍​របស់​អគ្គនាយកដ្ឋាន​ពន្ធដារ ចុះ​ថ្ងៃ​ទី​១៤ ខែ​តុលា ឆ្នាំ​២០២១ បាន​ឱ្យ​ដឹង​ថា រយៈពេល ៩​ខែ​ឆ្នាំ​នេះ អគ្គនាយកដ្ឋាន​ពន្ធដារ​ប្រមូល​ចំណូល​ពន្ធ​ចូល​ជាតិ​បាន​ចំនួន ២១១១​លាន​ដុល្លារ ស្មើ​នឹង ៩៤,១២​ភាគរយ បើ​ប្រៀបធៀប​រយៈពេល​ដូច​គ្នា​ទៅ​នឹង​ឆ្នាំ​២០២០ ចំណូល​នេះ​បាន​ថយ​ចុះ​ប្រមាណ​ជាង ១៣៥​លាន...

តៃវ៉ាន់​ព្រមាន​វាយប្រហារ​លើ​ចិន បើ​កងទ័ព​ចិន​មក​កៀក​នឹង​តំបន់​ប្រកាស​អាសន្ន​របស់​តៃវ៉ាន់

រយៈពេល​ជិត ២​សប្ដាហ៍​មក​នេះ ចិន​បាន​បញ្ជូន​យន្តហោះ​ចម្បាំង​ចំនួន ១៥២​គ្រឿង ឱ្យ​ហោះ​ចូល​ទៅ​ក្នុង​តំបន់​កំណត់​អត្តសញ្ញាណ​ដែន​ការពារ​អាកាស​តៃវ៉ាន់ ដែល​នាំ​ឱ្យ​មេដឹកនាំ​ដែន​កោះ​នេះ​ប្រកាស​ប្រាប់​ពិភពលោក​ថា ការ​បង្ក​សង្គ្រាម​ពី​សំណាក់​ប្រទេស​ចិន មក​លើ​តៃវ៉ាន់​កាន់តែ​ធ្ងន់ធ្ងរ​ហើយ​ពេលនេះ។ ក្នុង​ពេល​ជាមួយ​គ្នា​នេះ សង្គ្រាម​វោហារសាស្ត្រ​ប្រឈម​មុខ​ដាក់​គ្នា​ដោយ​ប្រធានាធិបតី​ចិន លោក ស៊ី ជិនពីង និង​ប្រធានាធិបតី​តៃវ៉ាន់ អ្នកស្រី សាយ អ៊ឹងវិន។ លោក ស៊ី បាន​ប្រាប់​ទៅ​តៃវ៉ាន់​ឱ្យ​រៀបចំ​ខ្លួន​ឲ្យ​ហើយ​ទៅ​ដើម្បី​មក​រស់នៅ​ក្រោម​ដំបូល​របស់​ក្រុង​ប៉េកាំង ដែល​លោក​ថា​គឺជា​ការ​សម្រេច​ឱ្យ​បាន​នូវ​ការ​បង្រួបបង្រួម​ជាតិ​ជាមួយ​កោះ​តៃវ៉ាន់​យ៉ាង​ពេញលេញ​ដោយ​សន្តិវិធី។ ប៉ុន្តែ​ការ​ចុះចាញ់ ឬ​ចុះញ៉ម​ដោយ​ស្ម័គ្រចិត្ត​របស់​តៃវ៉ាន់ មើល​ទៅ​ដូចជា​មិន​ទៅ​រួច​ទេ​សម្រាប់​មេដឹកនាំ​តៃវ៉ាន់​ស្ត្រី​ខ្លាំង​រូប​នេះ។ អ្នកស្រី​បាន​ទាត់​ចោល​គំនិត​របស់​លោក...

បណ្ឌិត យ៉ង សាំងកុមារ៖ តើ​ពលរដ្ឋ​ខ្មែរ​គួរ​ធ្វើ​អ្វី​បន្ត​ទៀត ក្រោយ​កិច្ចព្រមព្រៀង​សន្តិភាព​ទីក្រុង​ប៉ារីស​អស់​រយៈពេល ៣០​ឆ្នាំ?

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល ចោទ​ជា​សំណួរ​ថា ក្នុង​រយៈពេល ៣០​ឆ្នាំ​កន្លងមក​នេះ តើ​ពលរដ្ឋ​ខ្មែរ​គួរ​ធ្វើ​អ្វី​បន្ត​ទៀត ដើម្បី​ចូលរួម​ចំណែក​គាំទ្រ​ស្មារតី​នៃ​កិច្ចព្រមព្រៀង​សន្តិភាព​ទីក្រុង​ប៉ារីស? ប្រធាន​គណៈកម្មាធិការ​នាយក​នៃ​គណបក្ស​ប្រជាធិបតេយ្យ​មូលដ្ឋាន (GDP) បណ្ឌិត យ៉ង សាំងកុមារ បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​១៤ តុលា នេះ​ថា យុវជន​ខ្មែរ​ជំនាន់​ក្រោយ​គួរ​នាំគ្នា​ឈ្វេងយល់​បន្ថែម​ទៀត​អំពី​កិច្ចព្រមព្រៀង​សន្តិភាព​ទីក្រុង​ប៉ារីស ២៣ ខែ​តុលា ឆ្នាំ​១៩៩១ អំពី​ខ្លឹមសារ​នីមួយៗ​ដើម្បី​ឱ្យ​យល់ដឹង​កាន់តែ​ច្បាស់ និង​ចូលរួម​ដឹកនាំ​នាវា​កម្ពុជា​ទៅ​ថ្ងៃ​មុខ។ លោក​លើកឡើង​ថា ពលរដ្ឋ​ខ្មែរ​ទាំងអស់ រួម​ទាំង​យុវជន​ផង ត្រូវតែ​នាំគ្នា​ឈ្វេងយល់​ឱ្យ​កាន់តែ​ស៊ីជម្រៅ​ថា...

FAO៖ កម្ពុជា​នឹង​ត្រូវ​អនុញ្ញាត​ឱ្យ​ចូលរួម​ប្រារព្ធ​ទិវា​ស្បៀងអាហារ​ពិភពលោក​ជាមួយ​ប្រទេស​១៥០​ទូទាំង​ពិភពលោក

អង្គការ​ស្បៀងអាហារ និង​កសិកម្ម​នៃ​សហប្រជាជាតិ (FAO) ប្រចាំ​នៅ​កម្ពុជា អះអាង​ថា កម្ពុជា​នឹង​ចូលរួម​ប្រារព្ធ​ទិវា​ស្បៀងអាហារ​ពិភពលោក (World Food Day, WFD) ជាមួយ​បណ្តា​ប្រទេស ១៥០ ទូទាំង​ពិភពលោក ប៉ុន្តែ​កិច្ចប្រជុំ​របស់​អង្គការ​ស្បៀងអាហារ​នេះ​ធ្លាប់​ត្រូវ​រង​ការ​រិះគន់​ពី​អង្គការ​សង្គម​ស៊ីវិល​នា​ពេល​កន្លងមក​យ៉ាង​ធ្ងន់ធ្ងរ។ អង្គការ​ស្បៀងអាហារ និង​កសិកម្ម​នៃ​សហប្រជាជាតិ បាន​ចេញ​សេចក្តី​ប្រកាស​ព័ត៌មាន​របស់​ខ្លួន​នៅ​ថ្ងៃ​ទី​១៤ ខែ​តុលា ឆ្នាំ​២០២១ នេះ​ថា ការ​ប្រារព្ធ​ទិវា​ស្បៀងអាហារ​ពិភពលោក​នៅ​ថ្ងៃ​សៅរ៍ ចុង​សប្តាហ៍​នេះ ក្នុង​គោលបំណង​លើក​កម្ពស់​អំពី​តម្រូវការ​ក្នុង​ការ​គាំទ្រ​ដល់​ការ​ប្រែក្លាយ​ស្បៀងអាហារ​ឱ្យ​កាន់តែ​មាន​ប្រសិទ្ធភាព និង​ប្រកប​ដោយ​និរន្តរភាព។ ប្រភព​ដដែល​អះអាង​ថា ទិវា​នេះ​ជា​វេទិកា​ដែល​អំពាវនាវ​ឱ្យ​មាន​ការ​ចូលរួម​ធ្វើ​សកម្មភាព​ពី​គ្រប់​វិស័យ​ពាក់ព័ន្ធ​ទាំងអស់​ដើម្បី​ធានា​ថា...

Latest news