សេដ្ឋ​វិទូរបស់ធនាគារ​ពិភពលោក​ថា​ក្រុម​ទំនិញឡើង​ថ្លៃ​ជាលំដាប់​គឺជា​ហានិភ័យ​ចំពោះ​កំណើន

ទោះ​បីជា​បាន​ព្យាករថា កំណើន​សេដ្ឋ​កិច្ច​របស់​ប្រទេស​កម្ពុជា​នឹង​កើនឡើង​ក្នុង​ឆ្នាំនេះ​ក៏ដោយ ក្រុម​សេដ្ឋវិទូនៅ​ធនាគារ​ពិភពលោក​បាន​ឲ្យ​ដឹងកាលពីម្សិលមិញថា សេដ្ឋកិច្ច​ប្រទេស​នេះ​នៅ​​តែ​អាច​ប្រែ​ប្រួល​ទៅ​តាម​តម្លៃ​របស់​ក្រុម​ទំនិញ​ ដែលឡើង​ថ្លៃ​ជាលំដាប់​ជាពិសេសម្ហូប​អាហារ​ និង​ប្រេងសាំងតែ​ម្តង។ ថ្លែងទៅ​កាន់​ក្រុម​អ្នក​សារព័ត៌មាន​ បន្ទាប់​ពី​ពិធី​ផ្សព្វផ្សាយ​របាយ​ការណ៍​សេដ្ឋកិច្ច​នៅ​តំបន់​អាស៊ី​ខាងកើត​ និង​ប៉ា​ស៊ីហ្វិកសម្រាប់​ឆ្នាំ២០១២  លោក អេនរីក អាល់ដាស ខារ៉ូល (Enrique Aldaz-Carroll) សេដ្ឋវិទូ​​ជាន់ខ្ពស់​ប្រចាំ​ប្រទេស​របស់ធនាគារ​ពិភពលោក បាន​ថ្លែងថា តម្លៃ​ប្រេងសាំង​នៅ​​កម្ពុជា អាស្រ័យ​យ៉ាង​ខ្លាំង​ទៅ​លើ​ទីផ្សារ​ទំនិញ​អន្តរជាតិ  ហើយ​អាចបង្កឲ្យ​មាន​អតិផរ​ណា​នៅ​ក្នុង​សេដ្ឋ​កិច្ច​ប្រទេសកម្ពុជា​ទៀត​ផង។ លោកថ្លែងថា “ដោយចាប់​ផ្តើម​តាំង​ពីដើម​ឆ្នាំ​២០១១​ រដ្ឋាភិ​បាលឈប់​គិត​ពន្ធ​លើ​ប្រេង​សាំង​នាំចូល​ដោយ​មានឧបត្ថម្ភធន​ពីសហភាព​អឺរ៉ុប​ ហើយ​ពួកគេ​ក៏បាន​កាត់​បន្ថយ​អត្រា​ពន្ធ​នាំចូល​ផងដែរ​ ដូច្នេះ​ បច្ចុប្បន្ន​តម្លៃ​ប្រេង​​សាំង​​គ្រាន់​តែ​ឆ្លុះ​បញ្ចាំង​អំពី​តម្លៃ​ប្រេង​សាំង​​លើ​ទីផ្សារ​អន្តរជាតិ​ប៉ុណ្ណោះ​”។ ធនាគារ​ពិភពលោក​បាន​ដំឡើង​អត្រា​ព្យាករសេដ្ឋកិច្ចរបស់ប្រទេស​កម្ពុជា ពី​៦,៥​ភាគរយ​ទៅ​៦,៦ភាគរយ​ ដោយ​សារ​ប្រទេស នេះ​អាច​បញ្ចៀស​ខ្លួន​ចេញ​ពី​ស្ថានភាព​សេដ្ឋ​កិច្ច​​ធ្លាក​់ចុះ​ ដែល​ប៉ះ​ពាល់​ដល់បណ្តា​ប្រទេស​នៅ​លោក​ខាង​លិច និង​អាច​ចៀស​ផុត​ពីការ​ខូចខាតទ្រង់​ទ្រាយធំដោយសារ​គ្រោះ​ទឹក​ជំនន់​កាលពី ឆ្នាំមុនទៀត​ផង។ លោក អេនរីក អាល់ដាស-ខារ៉ូល​ ថ្លែង​ផង​ដែរ​ថា តាំងពីឆ្នាំ​២០០៤ ​សេដ្ឋកិច្ច​របស់​​កម្ពុជា​បាន​កើនឡើង​ភាគច្រើន ​ដោយសារ​តែមាន​ការ​ជំរុញ​ពី​ក្រុម​ទំនិញ​ជាច្រើន​ ហើយ​ ​​បរិមា​ណ​លក់​ដែល​ចេះតែ​កើន​ឡើង​នៅ​ក្នុង​តំបន់ជនបទបង្ហាញអំពី​របៀប​ដែល​ អត្ថ​ប្រយោជន៍​ទាំងនេះ​បាន​រាលដាល​ដល់​តំបន់​ដាច់​ស្រយាល​នៃ​ប្រទេស។ លោកថ្លែងថា “ប្រសិន​បើ​លោកអ្នក​ក្រឡេក​មើល​ទីផ្សារ​លក់​ម៉ូតូ​នៅ​តាមតំបន់​ជនបទ អ្នកអាចនឹង​ឃើញ​ថា​ បរិមាណ​លក់នៅ​​ទីនោះ​មានកំណើន  ដូច្នេះតម្លៃ​ទំនិញនានា​ពិតជា​ប៉ះពាល់​ដល់តំបន់​ជនបទ។ នេះ​ជាមូល​​េហតុ​ដែល​ ត្រូវមាន​ភាពចម្រុះ​មុខនៃ​ទំនិញ​នៅ​លើទីផ្សារ​ ហើយ​ខ្ញុំគិតថា នេះគឺជាគោល​​បំណ​ង​​របស់រដ្ឋាភិបាល”។ លោក អេនរីក អាល់ដាស-ខារ៉ូល បាន​លើ​កអនុសាសន៍ថា កម្ពុជា​គួរតែ​កាត់​បន្ថយ​​បទ​បញ្ញត្តិ​ការិយាធិបតេយ្យ ដែល​បច្ចុប្បន្ន កំពុង​តែប៉ះពាល់ដល់ថ្លៃ​ដើម​ដឹក​ជញ្ជូន។ លោកបានថ្លែងថា “ប្រសិនបើយើង​​កាត់បន្ថយ​ពេលវេលាបាន​មួយ​ថ្ងៃ​​ មាន​ន័យថា ថ្លៃ​ដើម​ផលិតកម្មនឹង​ធ្លាក​់ចុះ១​ភាគ​រយ​។ ដូច្នេះការកាត់បន្ថយ​ការិយាធិបតេយ្យ គឺជា​​វិធី​សាស្ត្រ​មួយ​ដែល​អាច​ប្រើ​ប្រាស់​បាន​ ដើម្បី​កាត់​បន្ថយ​ពេលវេលា”។ របាយការណ៍ដែល​ធនាគា​រ​ពិភព​លោក​បានចេញ​ផ្សាយ​កាលពីថ្ងៃ​អង្គារ បាន​បង្ហាញ​ថា​ ប្រទេស​កម្ពុជាបាន​ធ្វើ​ការ​យ៉ាង​មានប្រសិទ្ធ​​ភាព​ ក្នុងការ​រក្សា​អត្រា​អតិផរណា​ឲ្យនៅ​ទាប​ជាង​៥ភាគរយ​ រហូត​មកដល់ឆ្នាំ២០១១ទោះ​បីជា តម្លៃ​ម្ហូបអាហារ​ និងប្រេងសាំងនៅ​ក្រៅ​ប្រទេ​ស​កើនឡើង​ក៏ដោយ។ ក៏ប៉ុន្តែ​ របាយ​ការ​ណ៍ដដែល​នេះ បានបង្ហាញផងដែរ​ថា តម្លៃ​​ម្ហូបអាហារ​មានចំណែក​ជិត​ពាក់​កណ្តាល​នៃ​អតិផរណា​ទំនិញ​ប្រើ​ប្រាស់នៅ​ប្រទេស​កម្ពុជា៕ ប្រែ​សម្រួល​ដោយ កង សុធា  

រដ្ឋាភិបាល​អាច​ចំណាយ​លើ​ការ​បោះ​ឆ្នោត​ ប៉ុន្ដែ​ស្វាគមន៍​ជំនួយ

លោក​នាយក​រដ្ឋ​មន្ត្រី​ ហ៊ុន សែន បាន​មាន​​ប្រសាសន៍ កាលព​ី​ម្សិល​មិញ​ថា កម្ពុជា​ត្រៀម​ចេញ​ការចំណាយ​ទំាងមូលទៅ​លើការបោះ​ឆ្នោត​ក្រុម​ប្រឹក​្សា​ឃុំ​-សង្កាត់​ក្នុងខែ​មិថុនា និង​ការ​បោះ​ឆ្នោត​ជ្រើស​រើស​តំណាង​រាស្ត្រ​នៅ​ឆ្នាំ​ក្រោយ​ ដែល​ត្រូវ​បាន​ប៉ាន់​ប្រមាណ​ក្នុង​ការ​​ចំណាយ​រវាង​ទឹក​ប្រាក់​៣៦ទៅ​៣៨​លាន​ដុល្លារ ក៏ប៉ុន្ដែ​ថា លោក​រីក​រាយ​​ទទួល​ជំនួយ​។ លោក​ ហ៊ុន សែន បាន​មាន​ប្រសាសន៍​ក្នុង​សុន្ទរកថាមួយ​នៅ​កំពង់​ផែ​ស្វយ័ត​ក្រុង​ព្រះ​សីហនុ ក្នុង​ឱកាសរំឭក​ទិវា​ពល​កម្ម​អន្ដរ​ជាតិ​ថា “ រដ្ឋាភិបាលនឹង​រៀប​ចំការ​បោះ​ឆ្នោត​ ហើយ​​នឹងមិន​ពឹងផ្អែក​ ថាតើ​មានជំនួយសម្រាប់​ការ​ចំណាយ​ទៅ​លើកា​រ​បោះ​ឆ្នោត​ ឬអត់​នោះទេ”។ លោក​បាន​មាន​ប្រសាសន៍ថា “ វានឹង​ជា​ការ​ប្រសើរ​ ប្រសិន​បើ​យើង​អាច​មាន​នរណា​ម្នាក់​ផ្ដល់​ជំនួយ​ឲ្យ​យើង។ ប្រសិន​បើ​គ្មាន​ទេ យើង​នឹង​ចំណាយ​ក៏បាន​”។ មក​ទល​់​ពេល​នេះ​ លោក ហ៊ុន សែន​ បាន​មានប្រសាសន៍ថា លោក​មិន​ទាន់​និយាយ​ជា​មួយ​ក្រុម​អ្នក​ផ្ដល់​ជំនួយ​បរទេស​ក្នុង​ការ​ស្វែង​រក​ជំនួយ​សម្រាប់ការ​ចំណាយទៅ​លើ​ការ​បោះ​ឆ្នោត​នៅ​ឡើយ​ទេ។ លោក ហ៊ុន សែន បានមាន​ប្រសាសន៍ថា  “ វប្បធម៌នៃ​ការ​ពឹង​ផ្អែក​ទៅ​លើ​អ្ន​ក​ដទៃ​គួរ​តែ​កាត់​បន្ថយ​ ដើម្បី​ពង្រឹង​ខ្លួន​ឯង​ក្នុង​ការ​អនុវត្ត​លទ្ធិ​ប្រជា​ធិបតេយ្យ​ឲ្យ​​បាន​ទៀង​ទាត់​ក្នុង​ប្រទេស​កម្ពុជា”។ លោក​បាន​បន្ថែម​ថា ការ​ចំណាយ​ទៅ​លើ​ការ​បោះ​ឆ្នោត ​គ្រោងនឹងចំណាយ​​ពី​១៨ទៅ​១៩លាន​ដុល្លារ សម្រាប់​ទាំង​ការ​បោះ​ឆ្នោត​ឃុំ​-​សង្កាត់នៅពេល​ខាង​មុខ​ និង​ការ​បោះ​ឆ្នោត​ជ្រើស​រើស​តំណាង​រាស្ត្រ​ឆ្នាំ​២០១៣។ លោក​នាយ​ក​រដ្ឋមន្ត្រី​បាន​​មាន​ប្រសាសន៍​ថា “ ទឹក​ប្រាក់​នេះ​ យើង​អាច​រក​បាន​។ គ្មាន​បញ្ហា​ទេ​។ ប៉ុន្ដែ​ ប្រសិន​បើជា​មិត្ត​យើង​ឲ្យ​ យើង​​នឹង​អរគុណ”។ កាលពីពេលកន្លង​ទៅ​ ការ​ចំណាយ​ទៅ​លើការ​បោះ​ឆ្នោតភាគច្រើន​នៅ​កម្ពុជា​បាន​ទទួលការ​​ឧបត្ថម្ភពី​​ជំនួយ​បរទេស​។ ការ​បោះ​ឆ្នោត​ឆ្នាំ​១៩៩៣ ត្រូវ​បាន​ផ្ដល់​មូល​និធិ​ទាំង​ស្រុងដោយ​អង្គការ​សហ​ប្រជា​ជាតិ​ តាម​រយៈ​អាជ្ញា​ធរ​បណ្ដោះ​អាសន្ន​អង្គការ​សហ​ប្រជាជាតិ​សម្រាប់​កម្ពុជា​ រី​ឯ​ការ​បោះ​ឆ្នោត​ផ្សេង​ទៀត ត្រូវ​បាន​ផ្ដល់​មូល​និធិ​ដោយ​ប្រទេស​ជប៉ុន សហ​គមន៍អឺរ៉ុប និង​កម្មវិធី​អភិ​វឌ្ឍន៍​​អង្គការ​សហ​ប្រជាជាតិ។ លោក​ ហ៊ុន សែន​ បាន​មាន​ប្រសាសន៍ថា ត្រឹម​ឆ្នាំ​២០០៣ រដ្ឋាភិបាល​កម្ពុជា​បាន​ជួយ​ចំណាយទៅ​លើ​ការ​បោះ​ឆ្នោត​៤០​ភាគរយ​...

មន្ត្រីយោធារបស់ប្រទេសថៃ​ផ្ដល់អំណះអំណាង​ផ្ទាល់​ខ្លួន​ទាក់​ទិន​នឹង​ការ​បាញ់​ប្រហារ​នៅ​ព្រំដែន​

ផ្ទុយគ្នា​ពី​សេចក្តី​រាយការណ៍​ពី​កង​កម្លាំង​​​ប្រដាប់​អាវុធ​កម្ពុជា​ យោធា​ថៃ​បាន​ឲ្យដឹង​កាល​​​ពី​ម្សិល​មិញ​ថា ប្រជាជន​​កម្ពុជា​ដែល​ទាហាន​របស់​ខ្លួន​បាន​បាញ់​ប្រហារ​នៅ​តាម​បណ្ដោយ​ព្រំដែនក្នុង​​ខេត្ត​ព្រះ​វិហារ​កាល​ពី​ថ្ងៃអាទិត្យ​ គឺជាអ្នក​កាប់​ឈើ​ខុស​ច្បាប់​ក្នុង​ទឹក​ដី​ថៃ។ បន្ទាប់​ពី​ហេតុការណ៍នេះកើត​ឡើង​ភ្លាម ឧត្ដម​សេនីយ៍​កងយោធពល​ខេមរ​ភូមិន្ទ​មួយ​រូបបាន​ឲ្យ​ដឹង​ថា រូប​លោក​ និង​ទាហាន​របស់​លោកបាន​បោះ​ជំរំនៅ​ភាគ​ខាង​ជើង ​ខេត្ត​​​ព្រះ​វិហារ​ដើម្បី​បំពេញ​ភារកិច្ច​រារាំង​អ្្នកកាប់​ឈើ​ខុស​ច្បាប់​មិន​ឲ្យ​​ចូលទឹក​ដី​ថៃ​ ស្រាប់​តែ​នៅ​ពេល​នោះ​ទាហាន​ថៃ​ បាន​បាញ់​ប្រហារ​មក​​​​លើ​ពួកគេ​ ដោយ​ពួក​គេ​មិនបាន​ធ្វើ​​អ្វី​ខុស​ឡើយ ហើយ​បាន​បណ្ដាល​ឲ្យ​ទាហាន​ម្នាក់​រង​របួស​ត្រូវជើង​ម្ខាង​។ ប៉ុន្ដែ​អ្នកនាំ​ពាក្យ​យោធាថៃ​ វរសេនីយ៍ឯក​សានសឺន កែវកាំ​ណឺត​ (Sansern Kaewkamnerd) បាន​ប្រាប់​កាសែត​បាងកក​ប៉ុស្ដិ៍អំពី​ហេតុ​ការណ៍​ផ្សេង​ទៅ​វិញ​កាល​ពី​ម្សិលមិញ​។ វរសេនីយ៍ឯក សានសឺន បាន​ថ្លែង​ថា ពល​​​រដ្ឋកម្ពុជា​ទាំងនោះគឺជា​អ្្នក​កាប់​ឈើ​ខុស​ច្បាប់​ មិនមែន​ជាទាហាន​ទេ​ ហើយ​ពួក​គេ​បាន​ចូលទៅ​ក្នុង​ទឹក​ដី​ថៃ​ ដោយ​ខុស​ច្បាប់​...

សមាជិក​សហ​ជីពជាង​​៧.០០០​នាក់ ដង្ហែ​ក្បួន​ទៅ​​កាន​់​រដ្ឋ​ស​ភា នៅ​​​ថ្ងៃទិវា​ពល​កម្ម​អន្តរ​ជាតិ

សមា​ជិក​សហ​ជីព​ប្រមាណ​​៧.០០០​នាក់​​បាន​ដើរ​ដង្ហែ​ក្បួន​តាម​តីរ​វិថី​ស៊ី​សុវត្ថិ​ទៅ​កាន​់​រដ្ឋ​សភា​ កាល​ពី​ម្សិល​មិញ ​ដោយ​​ស្រែក​ពាក្យ​ស្លោក​ និង​លើក​បដា​ដើម្បី​ចូលរួម​ប្រារព្ធ​ទិវា​ពល​កម្ម​អន្តរ​ជាតិ។​ ដោយ​មាន​ លោក​ អាត់​ ធន់ ប្រធាន​​សហ​ភាព​ការងារ​កម្ពុជា​ ជាអ្នក​​ដឹក​នាំ​​ការ​ដើរ​ក្បួន​នេះនោះ សមា​ជិក​​មក​ពីសហជីព​ផ្សេងបាន​​ដើរ​ទៅ​កាន់​រដ្ឋ​សភា​ ដើម្បី​ដាក់​ញតិ្ត​ទាម​ទារ​សំុ​ឲ្យ​ដំឡើង​​ប្រាក់​បៀវត្សរ៍​​​ដល់​​កម្មករធម្មតានិង​ដល់មន្ត្រីរាជ​ការ​ ​ព្រម​ទាំង​មាន​​សំណើ​សំុ​ផ្សេងៗ​ទៀត។ អ្នក​រត់​មូ៉តូ​ឌុប និងអ្នក​រត់​​រុឺម៉កម៉ូតូ​​ បាន​ដោត​ទង់ជាតិ​និង​បដានៅ​ពី​ក្រោយ​រុឺម៉ក​ម៉ូតូ​ និង​បាន​​ចុច​ស៊ី​ផ្លេកង​រំពងព្រមៗគ្នា​។លោក អាត់​ ធន់ បាន​មាន​ប្រសាសន៍​ថា​ “យើង​កំពុង​ស្នើ​សុំ​ឲ្យ​រដ្ឋា​ភិបាល​ ដំឡើង​ ប្រាក់​​ខែ​ ដែល​អាច​ផ្គត់​ផ្គង់​ដល់​ជី​វភាព​បាន​​សម្រាប់​​កម្មករ ​​គឺ​ប្រហែល​១៣១​ដុល្លារ​ ក្នុង​មួយ​ខែ​ និង​២០០​ដុល្លារសម្រាប់​​មន្ត្រី​រាជការ​​ ព្រមទាំង​​បញ្ចុះ​តម្លៃ​សាំង​មក​ត្រឹម​៤.០០០​រៀល​ក្នុង​មួយ​លីត្រ”។ តាម​បញ្ជីរាយឈ្មោះ​បញ្ហា ដែល​លោក​ អាត់​ ធន់​ បាន​លើក​ឡើង​ថា រដ្ឋាភិបាល​ត្រូវ​តែ​ដោះស្រាយ​នោះ មាន​ការ​ប្រើ​អំពើ​ហិង្សា​​លើ​កម្មករ​តវ៉ា​ច្រើន​ណាស់​។ ដោយ​ពោល​សំដៅ​ដល់​អតីត​អភិបាល​​ក្រុង​បាវិត ដែល​ត្រូវ​បាន​ចោទ​ប្រកាន់​ពី​បទ​បាញ់​ប្រហារ​កម្មការិនី​បី​នាក់​ អំឡុង​ការ​តវ៉ា​នៅ​រោង​ចក្រ​មួយនោះ​ លោក​បាន​ឲ្យ​ដឹង​​ថា “យើង​ទាំង​អស់​គ្នា​សូម​អំពាវ​នាវ​ដល់​រដ្ឋា​ភិបាល និង​សាលា​ដំបូង​ខេត្ត​ស្វាយ​រៀង ឲ្យ​ផ្តន្ទា​ទោស​ និង​ចោទ​ប្រកាន់​លើលោក ឈូក បណ្ឌិត ពី​បទ​ឧក្រិដ្ឋកម្ម​ធ្ងន់​ធ្ងរ​ថែម​ទៀត”។ បន្ទាប់​ពី​ហេតុ​ការណ៍​បាញ់​ប្រហារនោះលោក​បណ្ឌិត ត្រូវ​បាន​ចោទ​ប្រកាន់​ពីបទ​បង្ក​របួស​ស្នាម​ដោយអ​​ចេតនា​។កញ្ញា ចាន់នី អាយុ​២៨​ឆ្នាំ ជា​កម្មការិនី​​រោងចក្រ​កាត់​ដេរបាន​និយាយ​ថា អំពើ​ហិង្សា​នៅ​ក្រុង​បាវិត​ បាន​ធ្វើ​ឲ្យ​កម្មករ​មាន​ការ​ព្រួយ​បារម្ភ​ខ្លាំង​ណាស់​។ កម្មករឈ្មោះ មឿន ចាន់ណា​ អាយុ​៣៦​ឆ្នាំបាន​និយាយថា “ យើង​សូម​ស្នើ​ឲ្យ​រដ្ឋា​ភិបាល​​​បើក​ភ្នែក​មើល​កម្មករ​ផង។យើង​រស់​នៅ​យ៉ាង​ពិបាក​ ហើយ​យើង​គ្មាន​​ប្រាក់​ទេ​ ពី​ព្រោះ​ប្រាក់​ខែ​យើង​តិច​ពេក​”។ លោក ហេង សាមួន អគ្គ​លេ​ខា​ធិការ​នៃ​សមា​គម​ប្រ​ជា​ធិបតេយ្យ​ឯករាជ្យនៃ​សេដ្ឋកិច្ច​ក្រៅ​ប្រព័ន្ធ (IDEA) ដែលជា​អ្នក​​រៀប​ចំ​ការ​ដើរ​ក្បួន​នេះ បាន​មាន​ប្រសាសន៍​ថា នៅ​ខេត្ត​ ព្រះ​សីហនុ អ្នក​រត់​ម៉ូតូ​ឌុប និង​អ្នក​រត់​រឺុម៉ក​ម៉ូតូ​ប្រហែល​២០០​នាក់...

កងយោធ​ពល​​​​​ខេម​រភូមិន្ទ​​​និង​​ក្រសួង​ការ​ពារ​ជាតិ​សើុប​អង្កេត​ទាហាន​​​ថៃ​​​បាញ់​​​ទាហាន​​​កម្ពុជា

​​មន្ត្រី​កង​យោ​ធ​ពល​ខេ​មរ​ភូមិន​្ទ ​និង​​មន្ត្រី​​ក្រសួង​ការ​ពារ​ជាតិ ​​បាន​ចាប់​ផ្ដើម​ការ​សើុប​អង្កេត​​មួយ​​ទាក់​ទិន​ នឹង​ហេតុ​ការណ៍​​​​បាញ់​​​​ប្រហារ​ទាហាន​ខ្មែរមួយ​រូប ​​ដោយ​ទាហាន​ថៃ​ នៅ​តាម​បណ្តោយ​ព្រំដែន​រវាង​ប្រទេស​ទាំង​ពីរ​នៅ​ភាគ​ខាង​ជើ​ង​ខេត្ត​ព្រះ​វិហារ​កាល​ពី​ថ្ងៃ​អាទិត្យ​​។ ​​តាម​សេច​ក្តី​​រាយ​ការណ៍​ថា ​ទាហាន​ថៃដែល​​​ដើរ​ល្បាត​​នៅ​​​​តំបន​់​នោះ​​​បាន​បាញ​់​​​ទៅ​លើ​​​ជំរំ​​មួយ​​របស់​​ទាហាន​កង​យោធ​ពល​ខេម​​​រ​​​​ភូមិន្ទ​​​​​​​​​​ ដែលឈរ​ជើង​នៅ​តាម​បណ្ដោយ​ព្រំដែន​​ បន្ទាប់​ពី​យល់​ច្រឡំ​ថាពួ​ក​គេ​ថា​ជា​​​អ្នក​​​​កាប់​ឈើ​​ខុស​ច្បាប់ ​ដោយ​​​បណ្តាល​ឲ្យ​ទាហាន​ខ្មែរ​ម្នាក់​​​​ឈ្មោះ​ គង់​ រីម​ ​អាយុ​៣២​ឆ្នាំ​របួស​ជើង​​ម្ខាង​។ ​ទាហាន​កង​យោ​ធ​ពល​​ខេ​មរ​​​ភូមិន្ទ​​​​​ទាំង​​​នេះ​​​បាន​ឲ្យ​ដឹង​ថា​ ពួក​គេ​​​​នៅ​​​ទី​នោះ​ដើម្បី​រារាំង​​ក្រុម​អ្នក​កាប់​​ឈើ​​​កុំ​ឲ្យ​​លួច​ឆ្លង​ចូល​ទៅ​ក្នុង​ទឹក​ដី​ថៃ​​ ​ទី​​​​ដែល​​ពល​រដ្ឋ​កម្ពុជា​១៧​នាក់​ត្រូ​វ​ទាហាន​​​​ថៃ ​​​​​​បាញ់​សម្លាប់​ រហូត​ទល់​ពេល​នេះ​ក្នុង​ឆ្នាំ​នេះ​។ លោកមាស​​ យឿនវរ​សេ​នីយ៍​​​ត្រី​កង​​យោ​ធ​ពល​ខេ​មរ​ភូមិន​​​​​​្ទ​​​បាន​ថ្លែង​ថា ​ លោក​ឧត្ដម​សេ​នីយ៍ឯក​ ស្រី​ ឌឹក​​ មេ​បញ្ជា​ការ​កង​ពល​ធំ​លេខ៣ ​​​​​​​ប្រចាំការ​នៅ​ខេត្ត​នេះ​​...

ក្រុមអ្នកតវ៉ា​របស់​អ្នក​​​ភូមិ​​​មកពី​​​សហគមន៍​​​បឹង​​​កក់​​​គ្រោងនឹងដង្ហែក្បួនពេញ​​​មួយសប្ដាហ៍

អ្នក​​​ភូមិ​​​មកពី​​​សហគមន៍​​​បឹង​​​កក់ ក្នុង​​​រាជធានី​​​ភ្នំពេញ​​​ចំនួន​​​៣០០​​​នាក់​​​ ​​​ភាគ​​​ច្រើ​ន​​​ពាក់​មួក​កាតិប​​​​​ និង​​​អាវយឺត​​​ដៃខ្លី​​​ពណ៌​​​ខៀវ​​​ បាននាំ​​​គ្នា​​​ដើរ​​​ដង្ហែ​​​ក្នុង​​​រាជធានី​​​ភ្នំពេញ កាលពី​​​ម្សិលមិញ ទាមទារប័ណ្ណ​កម្ម​​​​សិទ្ធិ​​​​​​ដី​​​ធ្លី​​​សម្រាប់​​​គ្រួសារ​​​មិត្ត​​​ភក្ដិរបស់​​​ខ្លួន​​​ចំនួន​​​៩០​​​គ្រួសារ។  គ្រួសារ​​​ទាំង​​​នេះ ត្រូវបាន​​​លុប​ឈ្មោះ​ចេញ​​​ពី​​​គម្រោង​​​របស់​​​រដ្ឋាភិបាល​​​ ដែល​​​បាន​​​ឲ្យសាលា​​​រាជធានី​​​ភ្នំពេញ​​ចេញប័ណ្ណ​កម្ម​​​​សិទ្ធិ​​​កាន់​​​កាប់​​​លំនៅដ្ឋាន​​​ឲ្យ​​​អ្នក​​​ភូមិ​​​បឹង​​​កក់​​​ជាង​​​៦០០គ្រួសារ បន្ទាប់​​​ពី​​​មាន​​​ការ​​​តវ៉ា​​​យ៉ាង​​​ជូរ​ចត់​​​ប្រឆាំង​​​នឹង​​​គម្រោង​​​អចល​​​ន​ទ្រព្យមួយ​​​​​​​​​​ដែល​​​បាន​​​បណ្ដាលឲ្យ​មាន​ការ​បណ្តេញ​អ្នក​​​ភូមិ​​​រាប់ពាន់​​​គ្រួសារចេញ​​​រួចហើយនោះ។ គ្រួសារ​​​មួយ​ចំនួន​ដែល​​​បាន​​​ទទួល​ប័ណ្ណ​​កម្ម​​​​សិទ្ធិ​​​កាន់​​​កាប់​​​ដីធ្លី​​​រួច​​​ហើយនោះ ​​​នៅ​​​តែ​​​ប្តេជ្ញា​​​​តវា៉​​​រហូត​​​ទាល់​​​តែអ្នក​​​ជិត​​​ខាង ​​​របស់​​​ខ្លួន​​​ដែល​​​ត្រូវ​​​បាន​​​លុបឈ្មោះ​ចេញ​​​ពី​​​គម្រោង​​​របស់​​​រដ្ឋា​​​ភិបាល​​​នោះ ទទួល​​​បាន​​​ប័ណ្ណ​កម្ម​សិទ្ធិ​​​កាន់​​​កាប់​​​ដី​​​របស់​ខ្លួន​។ ពួក​​​គាត់​​​ក៏​​​ចង់​​​ឲ្យ​​​រដ្ឋាភិបាល​​​វាស់​​​វែង​កំណត់​ព្រំ​​​​ដី​​​ទំហំ​១២,៤៤​​​ហិកតា​​​ ដែលគេ​លៃ​​ទុក​​​សម្រាប់​​​គម្រោង​នេះ​តាម​​​អនុក្រឹត្យមួយ ​ដែល​លោក​នាយករដ្ឋ​​​​​​មន្ត្រី​​​ ហ៊ុនសែនបាន​ចុះ​ហត្ថលេខា​កាល​ពី​​​ឆ្នាំ២០១១។ ​​​មន្ត្រី​​​សាលារាជធានី​​​បានថ្លែងថា លំ​​​នៅ​​​ដ្ឋាន​​​របស់​​​អ្នក​​​ភូមិ​​​ទាំង​​​៩០​​​គ្រួសារ​​​​​​នេះ​ស្ថិត​នៅ​​​ក្រៅ​តំបន់​១២,៤៤​​​ហិកតា​ ប៉ុន្តែ​មិន​ព្រម​វាស់​វែង​កំណត់​ព្រំ​ដី​នេះទេរហូត​ទាល់​តែ​ដោះ​ស្រាយ​​​​ជម្លោះ​​​រួចរាល់​អស់​សិន។ ដោយ​​​មាន​​​ការ​​​ស្រែក​​​ទាមទារ​​​តាម​​​ឧ​​​គ្ឃោសនសព្ទ និង​​​គ្រវីទង់ជាតិ​​​របស់​​​ម្ចាស់​​​ជំនួយ​​​អន្ដរជាតិ​​​ក្នុង​​​ប្រ​​​ទេស​​​កម្ពុជាផង​​​នោះ អ្នក​​​តវ៉ាទាំងនេះ បាន​​​ចាប់ផ្ដើម​​​ការ​ហែ​ក្បួន​​​​របស់​​​ខ្លួន នៅ​​​ម៉ោង​​​ប្រ​​​ហែល​​​៨ព្រឹក សំដៅ​​​ទៅកាន់​​​​​​ស្ថានទូត​​​អាមេរិកមុន​គេ​ ​​​ដែល​​នៅ​​​ទីនោះ​ ពួកគាត់​​​ បាន​ដាក់​​​ញត្តិ​​​ស្នើ​សុំ​​​ឲ្យ​ស្ថាន​ទូត​​ជួយដោះ​ស្រាយ​​​​បញ្ហារបស់​​​ខ្លួន​​​។ ​​​​​​​​​​​​​​​​​​​អ្នកស្រី ហេង មុំ ដែលស្ថិត​ក្នុង​ចំណោម​អ្នក​​​ប្រឈមមុខ​​​នឹង​​​ការ​​​បណ្ដេញចេញ​​​ និង​​​មនុស្ស​​បួន​នាក់​ផ្សេង​ទៀត ​បាន​​​ដឹក​​​នាំ​​​ការ​ដើរ​​​​ក្បួននេះ​ ហើយ​ពួកគាត់​បាន​​​យក​ច្រវាក់​ចាក់​សោ​​​​ដៃ​​ជាប់គ្នា។  អ្នក​​​ស្រី​​​ ហេង មុំ បាន​​​មាន​​​ប្រ​​​សាសន៍ថា “ យើង​​​ដាក់​ច្រវាក់​​​ខ្លួនឯង​​​ដូច​​​ជា​​​អ្នក​ទោស ​ពី​​​ព្រោះយើង​​​ចង់​​​បង្ហាញសាធារណជនថា ​​​ការ​​​​​​​រស់​នៅ​របស់​យើង​​​​​​​សព្វថ្ងៃនេះ ​ពុំ​មាន​​​​សិទ្ធិ ​​​ឬ​​​សេរីភាព​​​ក្នុង​​​ការ​​​ការពារដី​​​របស់​​​ខ្លួន​​​ឯង​​​ទេ”។ បន្ទាប់​​​ពីបាន​​​ប្រគល់​​​ញត្តិ​​​ឲ្យទៅ​​​ស្ថាន​​​ទូត​​​អាមេរិករួច​​​​ហើយក្រុម​​​អ្នក​​​តវ៉ា​​​បាន​​​ធ្វើ​​​​​​ដំណើរ​តាម​​​ផ្លូវ​​​លេខ​​​៥១ ​​​ដើម្បី​​​​ដាក់​​​ញត្តិ​​​នៅ​​​ឯភូមិ​​​គ្រឹះ​​​របស់លោក​​​នាយក​​​រដ្ឋ​​​មន្ត្រី​​​ ហ៊ុនសែន​​​នៅជិត​វិមាន​ឯករាជ្យ។ ទោះជា​​​យ៉ាង​​​ណា នៅពេល​ពួកគាត់​​​បាន​​​មក​ដល់​​​ភូមិគ្រឹះ​​​នោះ ​​​មាន​​​នគរ​​​បាលប្រ​​មាណ​​​​១០០​​​នាក់​​​ ​​​ខ្លះ​​​កាន់​​​អាវុធនិង​​​ដំបង​​​ឆក់បាន​រារាំង​​​​ពួកគាត់​​​មិន​​​ឲ្យទៅមុខ​ទៀត​ និង​​​បានឲ្យ​​​ពួកគាត់ធ្វើ​​​ដំណើរ​​​ទៅ​​​ខាង​​​ត្បូង ​​​តាម​​​មហា​​​វិថីព្រះ​នរោត្តមវិញ។ ពេល​​​មក​​​ដល់​​​ព្រឹទ្ធ​សភា ពួកគាត់​​​បាន​​​ដាក់​​​ញត្តិ​​​មួយ​​​ផ្សេង​​​ទៀត​​​នៅ​​​ទី​​​នោះមុន​​​ពេល​​​ត្រឡប់​​​ទៅ​​​លំនៅ​​​ដ្ឋាន​​រៀងៗ​​​ខ្លួន​​​​វិញ។​​​អ្នកស្រីទេពវន្នីអ្នក​​​ចូល​​​រួម​​​ក្នុង​​​ក្បួន​​​ដង្ហែដែល​​​បាន​​​ដាក់​​​ច្រវាក់ដៃ​​​ដែរ​​​នោះ បាន​​​មាន​​​ប្រសាសន៍ថាក្រុម​​​អ្នក​​​តវ៉ា​​​គ្រោង​​​នឹង​​​ដង្ហែ​ក្បួនរៀង​រាល់​ថ្ងៃ​ រហូត​​​ដល់​​​ថ្ងៃ​​​សៅរ៍។​​​​​​​​​ អ្នក​​​ស្រីបាន​​​លើក​​​ឡើងថា“ យើង​​​មាន​​​គម្រោង​​​​​​តវ៉ា​​​ពេញ​​​មួយ​​​សប្ដាហ៍ ​ដើម្បី​ឲ្យ​​​​រដ្ឋា​​​ភិបាលវាស់​​​វែងព្រំ​​​​​​ដីទំហំ​​​១២,៤៤​​​ហិកតា​​​ដែល​​​​សម្តេច​ ហ៊ុន សែន​​​ ទុក​សម្រាប់​​​យើង”។ លោក កើត ឆែ អនុប្រធាន​រដ្ឋបាល​​​​សា​​​លា​​​​រាជធានី​​​ភ្នំពេញបាន​​​មាន​​​ប្រសាសន៍​ថាការ​​​វាស់​​​វែង​​​ដី​​​នេះ​ នឹង​​​អាច​​​​ធ្វើ​​​ទៅ​​​បានដរាប​ណា​​​​​​​ជម្លោះដី​​​ធ្លី​​​រវាងអ្នក​​​ភូមិ​​​បឹង​​​កក់​​​ និង​​​សាលា​​​រាជធានី​​​ភ្នំពេញ​​​បាន​​​ដោះ​​​ស្រាយ​​​រួច។ ក្រុម​​​ហ៊ុន ស៊ូកាគូ របស់លោក ឡៅ ម៉េង​​​ឃិនសមាជិក​ព្រឹទ្ធ​សភាមក​​​ពី​គណបក្ស​​​ប្រ​​​ជាជន​​​កម្ពុជា បាន​​​ទទួល​​​កិច្ចសន្យាជួល​​​ដី​​​នេះ​​​ក្នុង​​​ឆ្នាំ​​​២០០៧ ហើយចាប់​​​តាំង​​​ពីពេល​​​នោះ​​​មក អ្នក​​​ភូមិជាង​​​៣.០០០​​​គ្រួសារ​​​មក​​​ពី​​​សហគមន៍​​​បឹង​​​កក់​​​ ត្រូវបាន​​​បណ្ដេញ​​​ចេញ​​​ ដែល​ជាការ​​រំលោភ​ច្បាប់​​​ភូមិបាល ដើម្បី​​​បើក​​​ផ្លូវ​​​សម្រាប់​​​គម្រោង​​​អចលនទ្រព្យដ៏​ធំមួយ។ បន្ទាប់​​​ពី​​​បានបូម​​ខ្សាច់​ចាក់​​​បំពេញ​​​បឹង​​​នេះនិង​​​បាន​​​បុក​​​គ្រឹះ​​​សម្រាប់​គម្រោង​នេះ​ កាលពី​​​ខែ​​​កក្តដានោះក្រុម​​​ហ៊ុន​​​ទំនង​​​ជាបាន​​​ផ្អាក​​​ដំណើរការ​​​ ក្នុង​​​រយៈពេល​​​ប៉ុន្មានខែ​​​ថ្មីៗនេះ៕ ប្រែ​​​សម្រួល​​​ដោយ ហម សុផាណ្ណា  ​​​

សកម្ម​ជន​បរិ​ស្ថាន​និយាយថា ពួកគេ​នឹង​មិន​បញ្ឈប់សកម្មភាព​ទេ

រយៈ​ពេល​បួន​ថ្ងៃ​ បន្ទាប់​ពី​ការ​បាញ់​សម្លាប់​​លោក ឈុត វុទ្ធី សកម្ម​ជនការពារ​​ព្រៃ​ឈើ​ និងជាអ្នកនិយាយ​ឥត​សំចៃ ក្រុម​អ្នក​គាំទ្រ​ប្រឆាំង​ការកាប់​ឈើ​ក្នុង​ស្រុក​បានលើក​ឡើង​កាលពី​ម្សិលមិញ​ថា ពួក​គេ​នឹងមិន​បញ្ឈប់​សកម្ម​ភាព​របស់ខ្លួន​ឡើយ។ លោកសេងសុខេងអ្នក​សម្រប​សម្រួល​ប្រចាំ​បណ្ដាញការពារ​ព្រៃ​ឡង់​ ដែល​រៀប​ចំការ​ដើរល្បាតការពារ​ព្រៃឈើជា​ហូរហែដោយមានការចូលរួមពី​អ្នក​ភូមិ​ជាច្រើន​ក្រុម​ធំៗ ដើម្បី​លុប​បំបាត់ការ​កាប់​ឈើ​ខុស​ច្បាប់​នៅ​ក្នុង​មូលដ្ឋាននេះបានមាន​ប្រសាសន៍​ថា“ការស្លាប់​របស់លោក ឈុត​ វុទ្ធី មិនអាច​​បញ្ចប់​សកម្មភាព​ប្រឆាំង​ការកាប់ឈើ​បាន​ឡើយ​”។ លោក សុខេង បានមាន​ប្រសា​សន៍​ថានៅ​មាន​ ឈុត​ វុទ្ធី រាប់​រយ​នាក់ទៀត។ យើង​មាន​សកម្មជន​ការពារ​ព្រៃ​ឈើ​រាប់​រយ​នាក់​ ដែល​មាន​ឆន្ទៈពិតប្រាកដ ដើម្បី​តស៊ូ​ការពារ​ព្រៃ​ឈើ​ និង​ប្រយុទ្ធ​ប្រឆាំងនឹង​ការ​កាប់​ឈើ​”។ កាលពី​ថ្ងៃ​ព្រហស្បតិ៍​ លោក​ ឈុត វុទ្ធីត្រូវ​បានមន្ត្រីកងរាជអាវុធហត្ថ​បាញ់​សម្លាប់​ នៅេពលលោក​កំពុង​ស៊ើប​អង្កេត​សកម្មភាព​កាប់​ឈើ​ខុស​ច្បាប់​នៅ​ក្នុង​ខេត្ត​កោះ​កុង។ អង្គការ​សិទ្ធិ​មនុស្ស​បាន​ប្រតិកម្ម​យ៉ាង​រហ័ស​ ដោយ​អំពាវ​នាវ​ឲ្យរដ្ឋាភិ​បាល​ស៊ើប​អង្កេត​ឲ្យបាន​ហ្មត់​ចត់​។ក្រុមអ្នក​សង្កេត​ការ​ណ៍ បាន​លើក​ឡើង​អំពី​ការ​ព្រួយ​បារម្ភរបស់ខ្លួន​ថា ការ​ស្លាប​់​របស់លោក  ឈុត វុទ្ធី ​អាចជះឥទ្ធិពលយ៉ាង​ខ្លាំង​ ដល់ចលនា​ការពារ​បរិស្ថាន​នៅ​ក្នុងប្រទេស​កម្ពុជា។ លោក ភីល​ រ៉ូប៊ើតសុន (Phil Robertson) អនុ​​ប្រធាន​ក្រុម​បញ្ចុះ​បញ្ចូល​របស់អង្គការ​ឃ្លាំ​មើល​សិទ្ធិ​មនុស្ស​ ប្រចាំតំបន់​អាស៊ី បាន​ថ្លែងថា “ការ​ស្លាប់​របស់សកម្មជន​ដ៏លេច​ធ្លោម្នាក់​នេះ ពិត​ជាបានបញ្ជូន​សារ​ព្រមាន​ដ៏គួរ​ឲ្យ​ភ្ញាក់​​ផ្អើល​មួយ​ ដល់​អ្នក​ផ្សេង​ទៀត​ ដែលចង់​ប្រយុទ្ធ​ប្រឆាំង​នឹង​អំពើ​ពុក​រលួយ​ និង​ព្យាយាមជួយ​សង្គ្រោះ​ព្រៃ​ឈើ​នៅ​ក្នុងកម្ពុជា​។រដ្ឋាភិបាល​កម្ពុជា​ត្រូវ​តែ​ស៊ើប​អង្កេត​​ឲ្យ​បាន​ហ្មត់​ចត់​និង​ត្រឹម​ត្រូវ​បំផុត​”។ ការ​អំពាវ​​នាវ​ឲ្យមាន​ការ​ស៊ើប​អង្កេត​ឲ្យបានហ្មត់​ចត់​ ចំពោះការ​ស្លាប់​របស់លោកឈុត​ វុទ្ធី ត្រូវ​បាន​បន្ទរ​ដោយលោក ចាន់សុវេ៉ត អនុប្រធាន​ផ្នែក​កម្មវិធី​សិទ្ធិមនុស្ស​របស់អង្គការ​អាដ​ហុក ដែល​បាន​និង​កំពុង​ស៊ើប​អង្កេតចំពោះ​ការ​បាញ់​ប្រហារកាលពី​ថ្ងៃ​ព្រហស្បតិ៍នេះ។ លោកសុវ៉េតបានមាន​ប្រសាសន៍ថា“ខ្ញុំ​ព្យាយាម​សាក​សួរ​អ្នក​ដែល​ធ្វើ​ការ​ជា​មួយ​លោក​ ឈុត វុទ្ធី ហើយ​ពួកគេ​ទំនង​ជាខ្លាច​មិនហ៊ានធ្វើសកម្ម​ភាព។ តែវាមិន​បញ្ហា​ទេនៅ​ពេល​ពួកគេ​មានជម្លោះ។ ពេល​នេះពួកគេ​ខ្លាច​​គេ​សម្លាប់​”។ លោក​បន្ថែម​ថាលោក​បាន​ជំរុញ​ឲ្យ​រដ្ឋាភិបាល​ចាត់​វិធានការឲ្យបានខ្លាំង​ក្លា​ប្រឆាំង​នឹង​ជន​ល្មើស​ ដើម្បី​បញ្ជូន​សញ្ញាមួយថា សកម្មជន​អាច​បន្ដការងារ​របស់ខ្លួន​ ដោយ​គ្មាន​ការ​គំរាម​កំហែង។ សកម្ម​ជនខ្លះ​បាន​ទទូច​ថា ពួកគេ​មិន​ខ្លាច​ការ​គាប​សង្កត់​បែប​នោះទេ ថ្វីបើមាន​ការ​ភ័យ​ខ្លាច​ផ្ទាល់​ខ្លួនកាន់តែ​កើនឡើង​ក៏​ដោយ។ លោក គុច វ៉េង អ្នកការពារ​បរិស្ថាន​មាន​មូល​ដ្ឋាន​នៅក្នុង​ខេត្ត​ពោធិ៍សាត់បានថ្លែងថា“ពិត​មែន​ហើយខ្ញុំ​ខ្លាច​ ហើយ​ខ្ញុំ​ព្រួយ​ណាស់​បារម្ភណាស់ ​អំពីសុវត្ថិភាព​របស់មេដឹក​នាំ​សកម្មជន​ការ​ពារ​ព្រៃ​ឈើ​​ផ្សេងទៀត​ ដែល​ប្រឈម​នឹង​សោក​នាដកម្ម នៅ​ពេល​ខ្ញុំ​បាន​ឮដំណឹង​អំពី​ការ​ស្លាប់​របស់លោក​ ឈុត វុទ្ធីភ្លាម​។ក៏ប៉ុន្ដែ​ឧត្តម​គតិ​របស់​ខ្ញុំ​បាន​លើក​ឡើង​ថាក្រុម​អ្នក​កាប់​ឈើ​ និង​ឧក្រិដ្ឋ​ជនកាប់ឈើ​តាម​ពិត​ខ្លាច​យើង​វិញទេ។នេះជា​មូលហេតុ​​ដែល​ពួកគេ​សម្លាប់​លោក​ ដើម្បី​គំរាម​អ្នក​ផ្សេង​ទៀតឲ្យ​ខ្លាច​”។ លោក​ គុច វ៉េង ដែលធ្លាប់​បាន​សហការ​យ៉ាង​ជិត​ស្និទ​ជាមួយ​លោក ឈុត វុទ្ធី ចាប់​តាំង​ពីមានការតស៊ូប្រឆាំងនឹងការ​បំផ្លាញព្រៃ​ឈើ​នាឆ្នាំ​២០០៦ នៅ​តាមជួរភ្នំ​ឱរ៉ាល់ ខេត្ត​ពោធិ៍សាត់ ថ្លែងថាការបំភិត​បំភ័យ​​កើត​មាន​ជា​ទូទៅ​ទៅហើយក្នុងការងាររបស់លោក​។ លោក ទីល​ ធី សមាជិក​ជនជាតិ​ដើម​ភាគ​តិច​ព្នង​ ​ដែល​ពាក់​ព័ន្ធ​ក្នុង​សកម្មភាព​ប្រឆាំង​ការ​កាប់​ឈើ​នៅក្នុង​ខេត្ត​មណ្ឌល​គិរី  និយា​យថាការ​សម្លាប់នេះនឹង​មិនអាច​ “ បំបិទ​មាត់​ និង​ទប់​ស្កាត់​យើង​មិន​ឲ្យ​តបតវិញ​នោះទេ”។ លោក​និយា​យថា“នៅ​ពេល​មាន​ការ​ដៅ​សម្លាប់សកម្មជន​ការពារ​ព្រៃ​ឈើ​​នោះ ពេល​នោះនឹងមាន​សកម្ម​ជន​ក្រោកឈរកាន​់​តែ​ច្រើន​ឡើង​ដើម្បីតវ៉ាប្រឆាំង​ការ​កាប់​ឈើ​ខុស​ច្បាប់​ និង​ការ​កាប់​បំផ្លាញ​ព្រៃ​ឈើ​​ ដើម្បី​ទន្ទ្រាន​យកដីនោះ ​”។ នៅ​ក្នុ​ងសេចក្ដី​ប្រកាសមួយ​ចេញ​កាល​ពីម្សិល​មិញ​ អង្គការ​សម្ពន្ធ​ភាពប្រជាពល​រដ្ឋ​ដើម្បី​គណនេយ្យភាពសង្គម​នៅក្នុង​ប្រទេស​កម្ពុជាបាន​សន្និដ្ឋាន​ថាការ​បាញ់​សម្លាប់នេះ​គឺ​ជា​“ការ​គំរាម​កំហែងដល់​សកម្មជន​ការពារ​​ព្រៃ​ឈើ​​និង​សកម្មជន​សិទ្ធិមនុស្ស​ផ្សេង​ទៀត”។ក្រុម​នេះបាន​បន្ថែមថា​ “យើង​ជំរុញ​​​ឲ្យរដ្ឋាភិបាល​ពិនិត្យ​ឡើង​វិញ​នូវ​កិច្ច​សន្យា​សម្បទាន​ទាំង​អស់​ ដែលពាក់​ព័ន្ធ​ជា​មួយ​ការកាប់​បំផ្លាញព្រៃ​ឈើ”។ បណ្ដាញ​សកម្ម​ជន​ការពារ​ព្រៃឈើ​នៅក្នុង​ខេត្ត​កោះកុង មណ្ឌលគិរី រតនគិរី និង​ព្រៃឡង់ នៅ​ក្នុង​ខេត្ត​កំពង់​ធំបាន​លើក​ឡើង​ថា ពួកគេ​មាន​ផែន​ការ​ដើរ​ក្បួន​នៅ​ក្នុងរាជ​ធានី​ភ្នំពេញ​ ដើម្បី​អំពាវ​នាវ​ឲ្យមាន​ការ​កែ​ទម្រង់​ច្បាប់​ និង​ការ​ពារ​សកម្មជន​ការពារបរិស្ថាន​ឲ្យបានខ្លាំង​ក្លាជាង​នេះ។ លោក សុខេងអ្នក​សម្រប​សម្រួល​បណ្ដាញព្រៃ​ឡង់ បានថ្លែង​ថា “យើង​កំពុង​តែ​មាន​ផែនការ​ដើរ​ក្បួនមួយ​ ដើម្បីអំពាវ​នាវ​ឲ្យ​រដ្ឋា​ភិបាល​ចាប់ខ្លួន​ជនដៃដល់​ និង​បក្ខ​ពួក​ដែល​ពាក់​ព័ន្ធ​ក្នុង​ការ​បាញ់​សម្លាប់​លោក ឈុត វុទ្ធីនិង​សកម្មជន​ការពារ​ព្រៃ​ឈើ​ផ្សេង​ទៀត។យើង​មិន​បោះបង់​ទេ។ធន​ធាន​ធម្មជាតិ​គឺជា​ជីវិត​របស់យើង​ វាជា​ឆ្នាំង​បាយ​របស់អ្នក​ជំនាន់​ក្រោយ​របស់យើង”។ អង្គការ​​​អាដហុក ​​​បាន​​​អំពាវ​​​​នាវឲ្យ​​​​រដ្ឋា​ភិបាល​​​ “ ​​​បង្ហាញពីការ​​​តាំង​​​ចិត្តរបស់​​​ខ្លួន​​​ ដើម្បី​​​ការ​​​ពារ​​​សកម្មជន​​​ផ្នែកបរិស្ថាន​​​ ព្រម​​​ទាំងការ​ពារតំបន់ធនធាន​​​ធម្មជាតិ​​​នានា ហើយ​​​តាម​​​ចាប់​​​ខ្លួន​​​អ្នក​​​ទាំង​​​ឡាយ​​​ណា​​​ដែល​​​ទទួល​​​ខុស​​​ត្រូវ​​​ចំពោះ​​​ទង្វើ​​​ខុស​​​ច្បាប់​​​ ដោយ​​​មិនគិត​​​ពី​​​បុណ្យសក្ដិ​​​ ឬ​​​​​​ឋានៈឡើយ​​​​”។ អង្គការ​​​ Global Witness...

មនុស្ស​រាប់​រយ​នាក់​​កាន់ទុក្ខ​សព​លោក ឈុត វុទ្ធី នៅ​ពេល​​ នគរ​បាល​បន្ត​ការ​ស៊ើប​អង្កេត​​

កាល​ពី​ព្រឹក​ម្សិល​មិញ​ មនុស្ស​រាប់​រយ​នាក់បាន​ប្រមូល​ផ្ដុំ​គ្នា​នៅ​ខេត្តកណ្ដាលដើម្បីចូល​រួម​​ពិធី​បញ្ចុះសព​​លោក ឈុត​ វុទ្ធី​ សកម្មជន​ការ​ពារ​ព្រៃ​ឈើដែល​ត្រូវ​បាន​មន្ត្រី​កង​រាជ​អាវុធ​ហត្ថ​បាញ់​សម្លាប់​ កាល​ពី​ថ្ងៃ​ព្រហស្បតិ៍​នៅ​ពេល​​ចុះ​ស៊ើប​អង្កេត​សកម្មភាព​កាប់​ឈើ​ខុស​ច្បាប់​នៅ​ភ្នំ​ក្រវាញ​ ក្នុង​ខេត្ត​កោះ​កុង​។ លោក ជួន​ ភិរម្យ ត្រូវ​ជាក្មួយ​របស់សពបាន​​មាន​ប្រសាសន៍​ថា “ មាន​មនុស្ស​ជាច្រើន​នាក់​បាន​ចូល​រួម​ដង្ហែ​សព​ពី​លំនៅ​ដ្ឋាន​របស់​ម្ដាយ​លោក​ឈុត វុទ្ធី​ ​ទៅ​កាន់​​កន្លែង​បញ្ចុះ​សព”។លោក​បាន​បន្ត​ថា​ លោក​មាន​ការ​សោកស្តាយ​ណាស់​​ពេល​ឃើញ​មាន​ការ​គាំទ្រច្រើន​ពីមិត្តភក្ដិ និង​អ្នក​រួម​ការ​ងារ​ ​របស់​ឪពុក​មា​លោក​។ បន្ទាប់​ពី​ការ​បាញ់​សម្លាប់​អស់​រយៈ​ពេល​ប្រាំ​ថ្ងៃ​មក​នេះ​ មាន​លេច​ឮ​​ព័ត៌មាន​តិច​តួច​ណាស់​​ពាក់​ព័ន្ធ​នឹង​ការ​ស្លាប់​របស់​លោកឈុត​វុទ្ធី និង​លោក អិុន​ រតនា​ មន្ត្រី​កង​រាជ​អាវុធ​ហត្ថដែល​គេ​សង្ស័យ​ថា ​បានបាញ់​​សម្លាប់​លោកឈុតវុទ្ធីរួច​ហើយ​បាញ់​សម្លាប់​ខ្លួន​ឯង​ទៀត​នោះ​។ កង​រាជ​អាវុធហត្ថ​ខេត្ត​កោះកុង​ បាន​លើក​ឡើង​ថាលោកអិុនរតនាបានបាញ់​ខ្លួន​ឯង​ចំនួន​ពីរ​គ្រាប់ដោយ​​កាំ​ភ្លើងអាកា​ដែល​គាត់​​បាន​ប្រើ​​បាញ់​សម្លាប់​លោកឈុត វុទ្ធី។ការ​បក​ស្រាយបែប​​នេះ​ បាន​ធ្វើ​ឲ្យ​សាច់​ញាតិ​របស់​​អ្នក​ស្លាប់​ទាំង​ពីរ និង​អង្គការ​សិទ្ធិ​មនុស្ស​នានា​​មាន​ការ​សង្ស័យ​យ៉ាងខ្លាំង​​។ តំ​ណាង​អង្គការ​សិទ្ធិមនុស្ស ​អាដហុក​ អង្គការ​​លីកាដូ និង​មជ្ឈមណ្ឌល​សិទ្ធិមនុស្សកម្ពុជា​កាល​ពី​ម្សិល​មិញ​បាន​​លើកឡើង​ថាពួកគេ​កំពុង​តែ​ធ្វើ​ការ​ស៊ើប​អង្កេត​លើ​ហេតុ​ការណ៍បាញ់​សម្លាប់​នេះ​ដោយ​ខ្លួន​ឯ​ង​ ប៉ុន្តែ​មិនទាន់​ទទួល​បាន​លទ្ធផល​ទេ​​។ លោកនាងបូរ៉ាទីណូអ្នក​សម្រប​សម្រួល​​របស់​អង្គការ​អាដហុកប្រចាំ​ខេត្ត​កោះ​កុង​​បាន​មាន​ប្រសាសន៍ថា “ ​ករណី​​បាញ់​សម្លាប់​លោក ឈុត​ វុទ្ធី គឺពិត​ជាមាន​ជន​ទី​បី​ចូល​រួម​​ពាក់​ព័ន្ធ​នៅក្នុង​ការ​បាញ់​សម្លាប់​ជន​រង​គ្រោះ​ទាំង​ពីរ​នេះ​ ហើយ​ឥឡូវ​នេះ​ ខ្ញុំ​កំពុង​តែ​ផ្ដោត​ទៅ​លើ​បញ្ហា​នេះ”។ លោកខេងទីតូអ្នក​នាំ​ពាក្យកងរាជ​អាវុធ​ហត្ថលើ​ផ្ទៃ​ប្រទេស​ បាន​លើក​ឡើង​ថាអាជ្ញា​ធរ​នៅ​មិនទាន់​អាចនិយាយ​​អំពីការ​បាញ់​សម្លាប់​នេះ​បាន​ទេ​ ដោយ​សារ​ “យើង​ត្រូវ​ការ​ពេល​វេលា​ ដើម្បី​ធ្វើ​ការ​ស៊ើប​អង្កេតពី​ព្រោះរឿង​នេះ​គឺ​ជា​រឿង​រសើប​”។ លោកថុង​ ណា​រ៉ុងមេបញ្ជាការ​កង​រាជ​អាវុធ​ហត្ថ​ខេត្តកោះកុង បាន​មាន​ប្រសា​សន៍​ថា “ កង​កម្លាំង​របស់​យើង​​កំពុង​តែ​ធ្វើ​ការ​ស៊ើប​អង្កេត​ការបាញ់​សម្លាប់​នេះ​ ប៉ុន្ដែ​លទ្ធ​ផល​​នៅ​មិនទាន់​អាច​បង្ហាញ​នៅ​ឡើយ​ទេ​ ពី​ព្រោះ​ការ​ស៊ើប​អង្កេត​កំពុង​តែ​បន្ដ។ យើង​នឹង​បង្ហាញ​​ជា​សាធារណៈ​ នៅ​ពេល​​ការ​ស៊ើប​​អង្កេត​របស់​យើង​ចប់​រួច​រាល់​​​”។ បុគ្គលិក​អង្គការ​សិទ្ធ​ិមនុស្សបានលើក​ឡើង​កាល​ពី​ម្សិល​មិញ​ថា ការភ័យ​ខ្លាច​របស់​ប្រជាជន​​ដែល​រស់​នៅ​កន្លែង​​លោក​ ឈុតវុទ្ធីត្រូវ​គេ​បាញ់​សម្លាប់​នោះ​ បាន​រារាំង​​ដល់​ការ​ស៊ើប​អង្កេតនេះ​។ និយាយ​ដោយ​មិន​បញ្ចេញ​ឈ្មោះ​​ដោយ​សារ​​ខ្លាច​មានការ​​ធ្វើ​ទុក្ខបុកម្នេញ​ អ្នកភូមិ​ពីរ​​នាក់​ពី​តំបន់​វាល​បី​ ស្រុក​មណ្ឌល​​សីមា​ កន្លែង​​កើត​ហេតុ​​បាញ់​សម្លាប់នេះ ​បាន​លើ​កឡើង​ថា​ ពួក​គាត់​មាន​ការ​ភ័យ​ខ្លាច​ចំពោះ​កង​កម្លាំង​សន្ដិ​សុខ​ដែល​ឈរ​ជើង​ក្នុង​តំបន់​នោះ​។ អ្នក​​ភូមិ​ម្នាក់​បាន​និយាយ​ថា “ ​អ្នកភូមិ​របស់​យើង​បារម្ភ​ពី​​សុវត្ថិភាព​របស់​ខ្លួន​ ហើយ​មិន​ហ៊ាន​និយាយ​ច្រើន​អំពី​ការ​បាញ់​សម្លាប់​នេះ​ទេ​”។ អ្នក​ភូមិ​រូប​នេះ​បាន​បន្ដ​ថា កងរាជ​អាវុធ​ហត្ថ​ត្រូវ​បាន​ក្រុមហ៊ុន​ឯកជន​មួយដែល​គាត់​មិនបញ្ចេញ​ឈ្មោះ​ ​ហៅ​ឲ្យ​ទៅ​​កន្លែងនោះបន្ទាប់​ពី​លោកឈុតវុទ្ធីនិងអ្នក​យក​ព័ត៌មាន​ពីររូប​របស់​កាសែត ​ខេមបូឌា ដេលីបាន​ទៅ​ដល់​តំបន់​នោះ​កាល​ពីថ្ងៃ​ព្រហស្បតិ៍​។ លោក ចាន់ សុវ៉េត​ អនុប្រធាន​កម្មវិធី​សិទ្ធិមនុស្ស​នៃ​អង្គការអាដហុក​​បាន​មាន​ប្រសា​សន៍ថា​ លោក​ដឹងថា មាន​ក្រុមហ៊ុន​មួយ​កំពុង​តែធ្វើ​​ប្រតិបត្តិការ​នៅ​កន្លែង​នោះ​ ហើយ​បាន​ជួល​កម្លាំង​ប្រដាប់​អាវុធ​របស់​រដ្ឋ​​ឲ្យ​ជួយ​ការ​ពារ​។ លោក សុវ៉េត បានសួរ​ថា “ ​ពួក​គេ​ទាំង​នេះ​គឺ​ជា​មន្ត្រី​រាជ​ការធ្វើការ​ដើម្បី​​​ការ​ពារ​ដីរដ្ឋ​។ ​ហេតុ​អ្វីបានជាពួក​គេ​ការ​ពារ​ក្រុមហ៊ុន​ឯកជន​ ហើយ​បង្កជម្លោះ​ជា​មួយ​នឹង​អ្នក​ការ​ពារ​ព្រៃ​ឈើ​ទៅ​វិញ​”។ លោក បាន​បន្ដ​ថាអង្គការ​​សិទ្ធិ​មនុស្សកំពុង​តែ​ជំរុញ​ឲ្យមានការ​ស៊ើប​អង្កេតពីថ្នាក់​លើ​​ បន្ទាប់​ពី​មើ​ល​ឃើញ​​មាន​ចំណុច​ខ្វះខាត​ជា​ច្រើន​នៅ​ក្នុង​ការ​ស៊ើបអង្កេត​ដំបូង​របស់​អាជ្ញា​ធរ​ខេត្ត​កោះកុង​។ អ្នក​យក​ព័ត៌មាន​​ពីរ​រូប ​របស់​កាសែត​ខេមបូឌា ដេលី​ មាន​វត្តមាន​នៅ​កន្លែង​កើត​ហេតុ​ កាល​ពី​ថ្ងៃ​ព្រហស្បតិ៍​ ប៉ុន្ដែ​មិន​បាន​ឃើញ​នរណា​ជាអ្នក​បាញ់​សម្លាប់​លោកឈុតវុទ្ធីនោះ​ទេ៕ ប្រែ​សម្រួលដោយ ស៊ាស៊ុយឈាង

អញ្ជើញ​​​អ្នក​​​កាសែត​​​ចូល​​​រួម​​​ស្ដាប់​​​សុន្ទរកថារបស់​​​លោក ហ៊ុន សែន តែ​​​បែរជា​​​បង្ខំ​​​ឲ្យ​​​ចេញ​​​ក្រៅវិញ

សមាជិក​​​កង​​​អង្គរក្ស​​​លោក​​​នា​​​យក​​​រដ្ឋ​​​មន្ត្រី​​​បាន​​​ហែក​​​កំណត់​​​ត្រា​​​របស់​​​អ្នក​​​សែត​​​ម្នាក់​ លុប​​​ចោល​​​សុន្ទរកថារបស់​​​លោក​​​ ហ៊ុនសែនពី​​​ម៉ា​​​សុីន​​​​​​ថត​​​សម្លេងរបស់​អ្នក​យក​ព័ត៌មាន​​​រូប​​​នេះ​​ និង​​​បាន​បណ្តេញ​គាត់​​​​ចេញ​​​មិន​ឲ្យ​ចូល​​​រួម​ពិធី​ ដែល​​​ក្រសួង​​​ការ​​​ងារ​​​បាន​​​អញ្ជើញ​​​គាត់​​​ឲ្យ​​​ចូល​​​រួម​​​កាល​​​ពី​​​ថ្ងៃ​​​សៅរ៍ ​នៅ​ក្នុង​ពិធី​នោះ​​លោក​​​នាយក​​​រដ្ឋ​​​មន្ត្រី​​​​​​មាន​​​ប្រសាសន៍​​​យ៉ាង​​​យូរ​​​​​​ពី​​​​​​ស្នាដៃ​​​របស់​​​គណបក្ស​​​កំ​​​ពុង​​​កាន់​​​អំណាច​​​។ ទោះបី​​​ជា​​​អ្នក​​​យក​​​ព័ត៌មាន​របស់​កាសែត​ ខេមបូឌា ដេលីរូបនេះត្រូវ​​​បានបណ្តេញចេញ​​​​​​ក្រោយ​​​ពី​​ការ​​​ស្ដាប់​​​សុន្ទរកថារបស់​​​លោក​​​​​​នាយក​​​​​​រដ្ឋមន្ត្រី​​​អស់​​​រយៈពេល​​​១ម៉ោ​​​ងនិង​​​១០​​​នា​​ទី​​​ក៏​​​ដោយក៏​​​​​​​​​​​​​​​អ្នក​​​កាសែត​មក​ពី​ស្ថាន​ី​យទូរ​​​ទស្សន៍គាំទ្រ​រដ្ឋាភិបាល​ដូចជាទូរទស្សន៍​ជាតិ​កម្ពុជា ​ទូរទស្សន៍បាយ័ននិង​​​ទូរទស្សន៍​​​អប្សរា​​​​​​អាច​ចូល​រួម​បាន​ទាំង​អស់​។ ក្រសួង​​​ការងារ​​​ដែលបាន​​​រៀប​​​ចំ​​​ព្រឹត្តិការណ៍​​​នោះ​​​មុន​​​​ទិវា​​​ពល​​​កម្ម​អន្ដរជាតិ​​​​នៅ​​​​ថ្ងៃ​​​អង្គារបាន​​​ចេញ​​​ប័ណ្ណ​សារព័ត៌មាន​មួយ​ កាលពី​​​សប្ដាហ៍មុនឲ្យ​​​កាសែត ​​​ខេមបូឌា ដេលី  ​​​ដើម្បី​​​​ចូល​​​ក្នុង​​​បន្ទប់​​​ប្រជុំ នៅ​​​កោះ​​​ពេជ្រ ដែល​​​នៅ​​​ទី​​​នោះលោកហ៊ុនសែនបាន​​​​​​ថ្លែងទៅ​​​កាន់​​​កម្មករ​​​​​​រោងចក្រ​​​កាត់​​​ដេរ​​​រាប់​​​ពាន់​​​​នាក់។ ក្នុង​​​អំឡុង​​​ពេល​​​ថ្លែងសុន្ទរកថាលោក​​​ហ៊ុន សែនបាន​​​ចាប់​​​ផ្ដើមពីការ​​​និយាយ​​​បង្អាប់​​គណបក្សប្រឆាំងគឺគណបក្ស​​​​​ សម រង្សុី​ បន្ទាប់​​​មក​​​រិះគន់​​​​អតីត​​​នាយក​​​រដ្ឋ​​​មន្ត្រី​​​ថៃលោក​ អភិស៊ីតវីចាជីវ៉ាដែលជា​​​គោលដៅ​មួយ​​​ផ្សេង​​​ទៀតដើម្បី​​ការ​​​ពារ​​​ការអះអាង​​​អំពីការកាន់​កាប់ប្រាសាទ​ព្រះវិហារ​របស់​​​កម្ពុជានិង​​​សម្ដែង​​​ការ​​​សោក​​​ស្ដាយ​​​ចំពោះ​​​គ្រោះ​​​មហន្ដរាយ​​​​​​ទឹក​​​ជំនន់​​​កាល​​​ពី​​​ឆ្នាំ​​​មុន។ លោក​​​ក៏​​​បាន​​​ព្រួយ​​​បារម្ភផង​​​ដែរថាវិនិ​​​យោ​​​គិន​​​បរទេសដូចជា​​​ជប៉ុន​​​ និង​​​ចិនអាច​​​ដក​​​ចេញ​​​ពីប្រ​​​ទេស​​​កម្ពុជាដោយព្រួយ​​​​​​បារម្ភ​​​អំពីកូដកម្ម​​​តាម​​​រោង​​​ចក្រ​​​នៅ​ក្នុង​ប្រទេសដើម្បី​ចូល​ទៅ​​​​ប្រទេស​​​ភូមាវិញ​ ​​​ព្រោះប្រទេស​​​នេះបាន​​​​​​​​​ចាប់​​​​​​ផ្ដើម​​​បើក​​​ទទួល​​វិនិយោ​​​ទុនពី​ខាង​​​​​ក្រៅ​​​បន្ទាប់​​​ពី​​​​មាន​ការ​ដាក់​​​ទណ្ឌកម្ម​​​ជា​ច្រើន​ឆ្នាំ​ពី​សំណាក់​បស្ចិម​ប្រទេសមក​។ នៅ​​​ពេល​​​​​​លោកហ៊ុនសែនផ្ដោត​​​ទៅ​​​លើ​​​លោក កឹម សុខា ប្រធាន​​​គណបក្ស​​​សិទ្ធិ​​​មនុស្ស ដែល​បាន​ថ្លែងថា លោក​​​ទើប​​​តែ​​​ត្រឡប់​​​មក​​​ពី​​​អូស្ត្រាលីជាមួយ​​​នឹង​​​ប្រាក់​​​ជា​​​ច្រើន ​​​​​​ដើម្បី​​​ឧបត្ថម្ភ​ដល់​គណបក្ស​​​ប្រ​​​ឆំាង​​​របស់លោកនិងផ្តោតលើ​​​​គណបក្ស​​​សម រង្សុី ដែល​​​លោក​​​បាន​​​មាន​​​ប្រសាសន៍ថា​​​ បាន​ប្រដូច​លោក​​​ទៅ​នឹង​​​វរសេនីយ៍ឯក ​​​កាដាហ្វី​ ​​​អតីត​មេដឹកនាំ​​​ប្រទេស​​​លីប៊ីនោះស្រាប់​តែ​​​​អង្គរក្ស​​​ស្លៀក​​​ពាក់​ខ្មៅ​​​ម្នាក់​បាននាំ​​​​អ្នក​​​យកព័ត៌មានកាសែត​​​ ខេមបូឌាដេលីចេញ​​​ពី​​​ក្រុម​​​​មនុស្សនោះហើយ​​​​បាន​​​ប្រាប់​​​គាត់​​​ឲ្យ​​​ចាក​​​ចេញ​​​ដោយ​​​ពុំ​​​បាន​​​ប្រាប់​ហេតុ​ផល​​​​អ្វី​​​ឡើយ។ នៅពេល​​​មក​​​ដល់​​​ខាង​​​ក្រៅ​​​សាល​​​​ប្រជុំ ​​​មាន​​​​អង្គរក្សពីរនាក់​​​ទៀតនិង​​​អ្នក​​​រៀប​​​ចំ​​​ព្រឹត្តិការណ៍​​​ម្នាក់​ បាន​​​ព្រួតគ្នា​ដណ្តើម​យក​លិខិត​អញ្ជើញ​របស់​អ្នក​​​យក​​​ព័ត៌មាន​​រូប​នេះបាន​​​​ហែក​​​កំណត់​​​ក្នុង​​​សៀវ​​​ភៅ​​​កត់ត្រា​​​របស់​គាត់​ និង​​​លុប​​​ចោល​នូវ​​សុន្ទ​​​រកថា​​​របស់​​​លោក​​​នាយក​​​រដ្ឋ​​​មន្ត្រី​​។​គ្មាន​​​នរណា​​​ម្នាក់​​​បាន​​​ប្រាប់​ហេតុ​ផល​​​​នោះ​​​ទេដោយគ្រាន់​​​តែ​​​និយាយ​​​ថា“បញ្ជាពី​​​ថ្នាក់​​​លើ”៕      ប្រែ​​​សម្រួល​​​ដោយ ហម សុផាណ្ណា​​​​

ល្បីណាស់ វីដេអូ​​បង្ហាញ​អំពី​អង្គរក្ស​របស់​លោក​ ហ៊ុន​ សែន​​ វាយគេនៅសណ្ឋាគារ​ខេត្តកោះកុង

មិន​ដល់​មួយ​សប្តាហ៍​ផង​ បន្ទាប់​ពី​ទាហាន​ចំនួន​បួន​នាក់មកពី​កង​អង្គរក្ស​របស់​លោក​នាយក​រដ្ឋ​មន្ត្រី​ ហ៊ុន​ សែន​ ត្រូវ​បាន​ចាប់​ខ្លួន​ពី​បទ​វាយ​បុរស​បួន​នាក់​ យ៉ាង​សាហាវរួម​មាន​មន្ត្រី​នគរ​បាល​ម្នាក់​ផង​ដែរ​នោះ​ រូប​ភាព​វីដេអូ​​បង្ហាញ​ពី​ការ​វាយ​ប្រហារ​នេះ​ ត្រូវ​បាន​​​​​​​គេ​បង្ហោះ​នៅ​លើ​ទំព័រ​អុីន​ធើ​ណិត​ ហើយ​គ្រាន់​តែ​ប៉ុន្មាន​ថ្ងៃ​ប៉ុណ្ណោះ​ ត្រូវ​បាន​ចាត់ទុក​​​ក្នុងចំណាត់ថ្នាក់ដាច់គេ​នៅ​លើ​ទំព័រ​អុីន​​​ធើ​​​ណិត​ ព្រម​ទាំង​ល្បី​​សុះសាយ​​យ៉ាង​ខ្លាំង​ដោយ​​​​ធ្វើ​ឲ្យ​មាន​ការ​បញ្ចេញ​យោ​បល់បែប​កំហឹង​យ៉ាង​ច្រើន​​ពី​សំណាក់​មនុស្ស​រាប់​ម៉ឺន​នាក់​ ដែល​បាន​មើល​រូប​ភាព​វីដេអូ​នោះ​រហូត​មក​​​​ទល់​ពេល​នេះ។ ​នគរបាល​ និង​ម្ចាស់​សណ្ឋា​គារ​បាន​បញ្ជាក់​កាល​ពី​ម្សិល​មិញ​ថា​ រូប​ភាព​វីដេអូ​ ដែល​ត្រូវ​បាន​គេ​បង្ហោះ​តាមប្រព័ន្ធអុីន​ធើណិត​ចែកជា​​បី​ភាគ​នោះ​ត្រូវ​​ម៉ាស៊ីន​ថត​ការ​ពារ​សុវត្ថិ​ភាព​​របស់​​សណ្ឋាគារ ​ក្នុង​ខេត្ត​កោះ​កុង​​ថត​បានដោយ​បាន​ចាប់​យក​រូប​ភាពស្ទើរតែទាំង​ស្រុ​ង​ អំពីការ​វាយ​ដំ​យ៉ាង​សាហាវ​នេះ។ រូប​ភាព​វីដេអូ​ ដែល​គ្មាន​សំឡេង​នេះ​ ទំនង​​ជា​បង្ហាញឲ្យ​ឃើញ​នូវ​ព័ត៌​មានដែលអាចបញ្ជាក់ស្ទើរតែអំពីភស្តុតាងទាំងមូល ដែល​​​មន្ត្រី​នគរ​បាល​ប្រមូលបាននៅពេល​នេះ។ លោក​ ឡាយ​ ម៉េង​លាង​ នាយ​នគរ​បាល​ព្រហ្ម​ទណ្ឌ​កម្រិត​ស្រាល​ខេត្ត​កោះកុង​បាន​មាន​ប្រសាសន៍ថា​ “ប្រហែល​ជា​មិត្ត​ភក្តិ​របស់​ម្ចាស់​សណ្ឋា​គារ​ បាន​យកពី​សណ្ឋា​គារ​ ហើយ​បង្ហោះតាមអុីនធើណិត​ ក៏ប៉ុន្តែ​វា​មិន​មែន​ជា​បញ្ហា​ របស់​ក្រុម​មន្ត្រី​នគរ​បាល​ទេ​ ចំពោះ​ ការ​បង្ហោះ​រូប​ភាព​វីដេអូ​នេះ”។ លោក​បន្ថែមថា​ ការ​វាយ​ដំ​ ដែល​ត្រូវ​ថត​បាន​ក្នុង​​រូប​​ភាព​វីដេអូ​នេះ​ មាន​ភាព​សាហាវ​ឃោ​រឃៅ​​​ខ្លាំងពេក។ លោក​ ឡាយ​ ម៉េង​លាង​ បាន​មាន​ប្រសា​សន៍​ថា​ “ខ្ញុំ​​យល់​​ឃើញ​ថា ​រូប​ភាព​វីដេអូ​នេះ ​​គឺ​ជា​ភស្តុតាង​សម្រាប់​ឲ្យ​នគរ​បាល​ធ្វើ​ការ​ស៊ើប​​អង្កេត​ករណី​នេះ...លោក​អាច​មើល​ឃើញ​សកម្ម​ភាព​ដ៏​អា​ក្រក់​ ដែល​លោកឧត្តមនីយ៍​ទោ​ប្រព្រឹត្ត​ទៅ​លើ​ជន​រង​គ្រោះ​”។ នៅ​ក្នុង​រូប​ភាព​វីដេអូ​តាម​ប្រព័ន្ធ​យូធ្យូប​(YouTube)​នោះ​បង្ហាញ​ឲ្យ​ឃើញ​...